Exocad не се учи гледајќи. Се учи дизајнирајќи на вистински случаи, со ментор покрај тебе.
Три месеци, три модули, 84 лекции и 15+ реални случаи од клиники, со корекција додека работиш, а не откако ќе се врати рекламација.
- Онлајн · снимка по секоја сесија
- Вклучена Exocad demo верзија
- Сертификат
Да гледаш и да работиш не е исто.
Гледаш видео и сè изгледа лесно. Потоа отвораш вистински случај, ништо не се однесува како на екранот, а за грешката дознаваш кога ќе стигне рекламација.
Грешката што ја фаќаш во моментот не станува навика.
Истиот редослед по кој и јас учев да работам
Без прескокнување. Прво ја градиме основата, потоа ја прошируваме.
-
01 Основи · 36 лекцииОд инсталација до коронка што оди на пациент
Интерфејс, библиотеки, коронки и мостови, inlay и onlay, оклузија и контакти, извоз во STL за фрезање и принтање.
-
02 Средно ниво · 28 лекцииИмпланти, фасети и привремени, секојдневната работа
Custom abutments, wax-up и слободно обликување, привремени конструкции, цементен простор и прилагодувањата што клиниките не ги враќаат.
-
03 Напредно · 20 лекцииAll-on-X и целосни рехабилитации под контрола
Комплексни случаи од почеток до фрезање, оклузија планирана низ цел лак, и што правиш кога случајот не оди по план.
Твој случај, во твои раце
- мануелна забна техника
- 16 год.
- Exocad и дигитален workflow
- 5 год.
Александра Симоновска
18+ години во забна техника. 5.000+ дизајнирани реставрации. Клиенти во Скопје, Загреб, Прага и Белград.
Шеснаесет години работа со раце и уште пет во дигитална технологија, а предноста е тоа што ги имам и двете. Знам како изгледа добра форма во восок и знам како да ја добијам во Exocad. Напредните техники дојдоа од специјализирани обуки во Загреб и во IDD, и ги пренесувам директно.
Програмата е изградена околу практични проекти, индивидуално менторство и поддршка што продолжува и по завршувањето, за да можеш да го примениш наученото веднаш, на случаите што пристигнуваат на твојата маса.
Филозофијата е кратка: добра реставрација значи помалку време на столот и помалку враќања.
„Научив Exocad преку проби, грешки и многу рекламации. Сакам да ти ги поштедам тие фрустрации и да те доведам до тоа да знаеш како да го решиш секој случај што ќе ти дојде на маса."
Не сакаш сам да учиш Exocad? Прати ми го случајот.
Истите раце што ја водат програмата дизајнираат и изработуваат реставрации секоја недела, церкон дизајниран во Exocad и фрезан, принтан и финиширан под ист покрив.
Го праќаш случајот, добиваш готова конструкција
Скен или отпечаток влегува, а назад доаѓа завршена работа, дизајнирана, фрезана или принтана и финиширана во истата лабораторија. Тебе ти останува поставувањето.
- + Една лабораторија од скен до полирање
- + 5 работни дена за фасетиран церкон
- + Дизајнот го одобруваш во 3D пред производство
-
Церкон, фрезан тука
Единечни коронки, мостови и целосни лакови, а случајот не патува на друга адреса.
-
Одобрено пред да се изработи
Конструкцијата ја вртиш во 3D. Ништо не оди на производство додека има отворени забелешки.
-
Испорачано, останува поставување
Завршено и полирано, во рокот договорен пред да почне работата.
Што кажуваат учесниците потоа
Доаѓав со страв од дигиталната работа, со години работев само мануелно. Сега се чувствувам сигурна и подготвенада прифатам секој дигитален случај. Александра ме водеше чекор по чекор и ми даде целосно внимание.
Ова ми беше првпат на програма од овој тип и искуството беше навистина убаво. Атмосферата беше позитивна и мотивирачка, а научив многу што сигурно ќе го користам. Ги надмина моите очекувања.
Сè беше објаснето едноставно, чекор по чекор, со многу практична работа. Презадоволна сум, и ја препорачувам на почетници, и на колеги што со години работат мануелно и сакаат да почнат дигитално.
Како млад забен техничар, почетната програма за Exocad ми беше исклучително корисна, добро организирана, фокусирана на практична работа, со јасно објаснет основен workflow. Александра детално ги покри сите алатки што ми се потребни за секојдневна работа во лабораторија. На крајот се чувствував подготвено за самостојна работа.
Уште не си сигурен/на? Почни со првите чекори.
„Првите чекори во EXOCAD“: 20 страници за компјутер, налог, 3Д простор, маргинална линија и Tooth Placement. Стигнува веднаш на твојот мејл.
Не сум добар со компјутери. Дали програмата е за мене?
Да. Не е потребно претходно знаење за софтверот, почнуваме од инсталација и интерфејс, чекор по чекор. Потребно е трпение за првите две недели и вештината што веќе ја имаш во рацете.
Дали моето мануелно искуство навистина ќе ми помогне?
Тоа е твојата најголема предност. Формата, контактите и оклузијата се истите одлуки, само ги носиш на екран. Почетникот учи и софтвер и заби наеднаш, ти учиш само алатката.
Колку време треба неделно?
Околу четири часа: една сесија во живо плус вежбање со свое темпо. Ако пропуштиш сесија, снимката е тука истата вечер, а прашањата ги носиш на следната.
Дали програмата е само за коронки?
Не. Коронките се почетокот. Оттаму работиш мостови, inlay и onlay, импланти и custom abutments, фасети, wax-up, привремени, и на крај All-on-X и целосни рехабилитации.
Имам години зад себе. Предоцна ли е да почнам сега?
Не е предоцна, подоцна е одошто сакаше, а тоа е друга работа. Годините зад тебе се содржината, програмата само дава редослед. Најдобрите резултати ги гледам кај техничари со долго мануелно искуство.
Дали може да се плаќа на рати?
Да. Опциите се договараат на разговорот, во зависност од тоа кога стартува твојата група. Нема скриени додатоци, а Exocad demo верзијата е вклучена за времетраењето на модулите.
Види ги сите 12 недели, потоа кажи ми од каде почнуваш.
Разговорот е бесплатен. Ми кажуваш каде си, ти кажувам дали програмата ти треба сега или после шест месеци.
Местото се резервира со уплата на 30% од целосната цена или првата рата. Можност за плаќање на рати.
Сè што добиваш во програмата водена од ментор со 18 години искуство и 5,000+ дизајнирани реставрации:
- + Модул 1: Fundamentals (36 лекции) коронки, мостови, инлеи, онлеи дизајнираш самостојно од скен до STL
- + Модул 2: Intermediate (28 лекции) импланти, veneers, wax-up, привремени примаш случаи што порано ги одбиваше
- + Модул 3: Advanced (20 лекции) All-on-X, целосни рехабилитации најкомплексните случаи под контрола
- + Exocad демо лиценца вклучена Демо верзија
- + 15+ реални случаи од лабораторијата градиш портфолио за работодавци и клиники
- + Индивидуален пристап менторот те води лично низ секој случај
- + Водич низ програмата + дигитални библиотеки на платформата, спремни за преземање истите tooth и implant библиотеки од лабораторијата на Александра
- + Снимки + работни фајлови секоја сесија снимена на платформата, со фајловите од таа сесија спремни за преземање
- + Сертификат + професионална врска доказ за твоите вештини и контакт со менторот и по програмата